Tenero 2019

Tag 6 (Dr Bonussprung iz Wasser)

Hittä am Morgä simmer zum letschtä Mal mitem Üfwachliäd gweckt wordä und hend iis firs Footing parat gmacht. Obwohl miär chli miäd gsi sind hemmer das alli guät uberstandä und de Sprung i See isch richtig erfrischend gsi. Bevors denn as Zmorgä gangä isch hemmer nu miässä i iseri Zält ga Koffer packä. S Zmorgä isch we immer sehr fein gsi und hit hets als krönändä Abschluss sogar Nutella gä. Mit isernä Partybüssli hemmer iis denn grad nachhär ufä wäg id Hallä gmacht firs letschtä Träning. Det hemmer Zit becho um die letschtä Spiel vo iserem Turnier z spilä. Als Priis hets fir jedä vo iis ä cooli niwi Trinkfläschä und anderi Gschänkli gä. Hungrig vo dene strängä Matches simmer ga Zmittag ässä. Nachem Zmittag hemmer letschti Üfrümarbeitä miässä machä. Wo de alles blitz und blank gsi isch, hets ai nu ä Rangverkündigung vom mittwuchnamittags Spielturnier gäh. Ä chli speter hemmer iis denn scho ufä Heiwäg gmacht. Miär hend diä Lagerwuchä sehr gnossä und sind chli trürig dass es so schnell verbii gangä isch. Miär freiwät iis ai wider sehr uf Daheimä und natirlich ai ufs nechstä Jahr.

VorschaubildVorschaubildVorschaubildVorschaubildVorschaubildVorschaubildVorschaubild

Tag 5 (HEE, ISCH DAS ZUCCHETTICHUÄCHÄ??)

«Aufstehn ist schön, Aufstehn ist schön» mit denä vertrüwtä Wort sind mier wider us iiserem Scheenheitsschlaf grisse worde und hend iis fürs alltägliche Footing parat gmacht midem aschliessendä Gump i klaari Morgäsee.
Nachem z‘Morgä hemmer iis ufä Wäg ih Sand gmacht, zum Beachvolleyball und Beachsoccer z spiele. Churz dernah heds vu dr Karin ä superfeinä Zucchettichuächä gäh. Der het wunderbar passt um am Sven zum Geburtstag z gratuliärä. Dankä vill vill mal Karin. Dernah ischs aber midem Polysportive Agebot nunit fertig gsi, mier hend nu deffä ga Polo-Bike spiele, was dr Eint odr dr Andr recht im Griff gha het. Nach dr Stärchig am Mittag hemmer is mit dä Büsli ufä Wäg zur Halle gmacht, um wiiter z trainiere. Mier hend iis ih zwei Gruppe ufteilt und hend vieli nitzlichi Iäbige gmacht, was iis ih iisere Badminton-Karriere sicherlich witerhälfä wird. Miär hend iis de ai nu iiserem heiss, spannendä Turnier  gwidmet. Das hemmr nachem z‘Nacht miteme erniiwte Bsuäch idr Halle wiitergfiert. Miäd gemmer ga schlafe und freiwed iis ufe nechsti und letschti Tag.

VorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubild

Tag 4 (Nur einisch gschwitzt)

Nach ihserem üblichä Footing simmer as zMorgä gangä. Hit hets feinä Zopf gäh und we jedes Jahr ischs äs Highlight gsi. Dernah simmer mit ihsernä Partybüsli richtig Gfängnis (a.d.Red.: Unsere schöne, warme Halle erinnert an ein Gefängnis) gfahrä. Det hemmer bis am Mittag trainiärt. Z Thema idä Hallä isch Doppel und für diä Grossä au Mixed gsi. Bevors as z Mittag gangä isch, hemmer jedoch nu messä äs Krafttraining machä, das sogenantä „Tabata“. Nach em stärkendä und feinä zMittag isch Photoshooting agseit gsi mit ihsernä niiwä, lässigä T-Shirts. Fürs Namittagsprogramm isch z ganzä Nachwuchslager Uri i Gruppä iteilt wordä. I denä Gruppä hemmer 5 verschidnigi Spili gspilt, wiä zum Bispil Lacrosse oder Waterpong. De hemmer ä Abchiälig im See deffä gniässä und aschliässend hemmer alli zämä wider grilliärt. Nach em Ässä het jedä wider messä i siini Gruppä gah und de isch z letschtä Spiel agseit gsi. Äs isch drum gangä, wer im Volleyballfäld diä grössti Sandburg cha büwä. Abgschlossä hemmer dr hittig Tag mitem bestä Game wos uf derä scheenä Kuglä git: Ultimate Frisbee (yeeeahh!).

VorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubild

Tag 3 (S isch warm wenns heiss isch)

Am 6:15 simmer gweckt wordä firs Footä. Dernah hemmer ä Abchiälig gnu im See. Nachem Badä simmer go Zmörgälä und sofort id Hallä z Losone. Zum Iwermä hemmer dr jährlichi Parcour gmacht. Nachem strängä Iwermä hemmer ä chlini Paisä verdiänt gha. Ächle Laiftraining het natirlich ai nit derfä fählä. Nachdem sicher jedä warm und flätschnass vum Schweiss gsi isch, hemmer mitem Turniärli witergmacht. Mit dä 2 Party Büsli simmer zrug iz Centro gfahrä und de hed äs scho Zmittag gäh. Am Namittag hemmer zerst Tennis gspielt. Diä wo hend wellä hend de nu churz ä Abchiälig im See chennä machä. Nah dr churzä Paisä hemmer d Sportart Füstball defä kännä lernä. Nach derä intensivä Lektion hemmer nu Ultimate Frisbee gspielt. Da alli verschwitzt gsi sind und miär dr ganz Namitag idr Sunnä gsi sind, hemmer ä Abchiälig im See verdiänt. Dernah hets scho wieder Znacht gäh. Will miär nur am Morgä idr Hallä am Badminton spielä gsi sind, simmer am Abig nu ä Trainingseinheit go machä. Zerst z WC-Fangis zum Iwärmä und de nu langi Aschläg. Zerst probiärt d Mattä im Zielsektor z Träffä und dernah das Ganzä de blind numal. Am Wuchäturniär hemmer ai nu churz witergspielt. Am 21:30 simmer de go duschä und hend de aschliässend nu äs churzes meditativs Üsdehnä gmacht. Etz simmer wieder ufem Wäg is Tenero und de gahts scho gli is Bett.

VorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubild

Tag 2 (hit the bass)

Dr hittigi Tag hemmer wiä jedes Jahr midemnä Footing agfangä. Vom Seewasser erfrischt sind miär de alli zämä go zmörgelä. Frisch gsättigt hets de gheissä: „Täschä packä miär gend id Hallä.“ Das hemmer de ai gmacht indem miär mit zwei Büsli uf Losone gfahrä sind. Nachdem miär im Training alli Grundschläg ä chli üfgfrischt hend sind miär wider zrugg uf Tenero gfahrä und hend dettä äs feins Zmittag gässä. Nach de Mittagspaisä sind miär zerst alli zämä go chläterä, bevor miär iis am 3 km Laif gstellt hend. Ai das hemmer einigermassä souverän gmeisteret. Uf diä Asträngig appä sind miär iis im See go erfrischä. Am See simmer de ai nu blibä, bises Znacht ghä het. Ds Znacht isch hittä äs sehr feins gsi äs het nämlich Chicken Nuggets gäh, aso hend miär alli flissig gässä. Denn sind miär nu einisch id Hallä gfahrä um dettä nu iisers alljährigä Turniär zstartä, bis miär de dusched hend und heigfahrä sind. Nach dem strängä erstä Tag sind miär alli rächt miäd gli go schlafä, gspannt drüf was miär morä alles so machä wärdet.

VorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubild

Lagerstart

Heute trafen wir uns um 13.00 in Erstfeld. Mit dem Zug ging es ab nach Tenero.
Als wir in Tenero ankamen wurden wir von der Hitze erschlagen. Als wir unsere Zelte gefunden haben, mussten wir nur noch auf unser Gepäck warten, das wir in die Busse verteilt hatten. Wie immer packten wir unseren Koffer beim altbekannten Kennenlernspiel. Danach gab es einen kleinen Rundgang im Sportzentrum Tenero. Der Rundgang  endete im Lago Maggiore. Bis wir dann zum Abendessen gingen, blieben wir noch am See. Das Essen war lecker. Nach dem Abendessen hatten wir ca. 1 Stunde Freizeit, danach war Beachvolleyball bis in die Nacht hinein angesagt.

VorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubildVorschaubild

Tenerolager 2019

Wieder reist der Badmintonclub Altdorf für eine Trainingswoche nach Tenero. Unter dem Namen „Nachwuchsförderung Uri“ organisieren wir diese Lagerwoche seit mehreren Jahren gemeinsam mit dem Handballclub sowie den Schwingern und Nationalturnern. Während einer Woche kann in den riesigen Anlagen im Tessin trainiert werden. In der Hauptsportart (Badminton) soll an der Technik gefeilt werden, doch auch das polysportive Angebot, das in Tenero fast unerschöpflich ist, soll nicht zu kurz kommen.

Weitere Informationen zum Lager entnehmt ihr der Anmeldung.