Lagerbericht – Tag 6: Äs superscheens Lager gaht z End
Andreas, Nathalie, Jan, Elias, Nathalie, Larissa, Niklas 24. Juli 2026 Tenero 2026
Nachdem miär hittä mit Techno gweckt wordä sind, simmer nu es letschts mal go Zmorgä ässä. Aschliässend hemmer de yseri 7 Sachä zämäpackt. Nachem morgendlichä Streching hets de nu ä Rundi Werwölflä gäh. Später simmer de nu einisch mit krasser Mucke id Hallä gfahrä. Unterwägs hemmer de nu dr Bodo mit siim Bagger gseh. Nachem iiwärmä idr Hallä hemmer de nu verschideni lustigi Spielformä üsprobiärt. Frisch duschet simmer de go Zmittag ässä. Am Namittag hemmer de nu yseri Zält fertig putzt. Im Zug hemmer de yseri Plätz iignu und uf dr Rückfahrt z Lager nu einisch la Revue passiärä lah. Es fühlt sich a als wäret miär ersch gester z Altdorf i Zug iigstiegä und ez simmer scho wieder zrug! Fazit: Ä sältä strängi aber tuffi Wuchä gsii!
